«Жыл мугалими — 2024» Республикалык сынагы үчүн А.Б.Ашырбековдун визит карточкасы

https://drive.google.com/drive/folders/1JJbUvBYykPGsHj6sCtjfT_0pRtFy1hH8?usp=share_link

Жогорудагы шилтеме аркылуу усулдук электрондук китепкананын түз шилтемесине кирип, маалымат базасындагы электрондук китептерди пайдалана аласыз. Ийгилик каалайбыз!

Бүгүн залкар жазуучу Чыңгыз Айтматовдун туулган күнү жана таланттуу акын Алыкул Осмоновдун көзү өткөн күнү. Бул күн өлкөбүздө Улуттук адабият күнү катары белгиленип келет. №97 жалпы орто билим берүү мектебинде 12-декабрда Улуттук адабият күнү белгиленди.

Улуттук адабият күнүн урматына кыргыз тили жана адабияты мугалимдери Мамбетова Назира Эркинбековна жана Нурлан кызы Бегайым 7-8-класстын окуучулары менен биргеликте «Аалам алпы — Айтматов» аталышындагы иш-чара өтүштү.

Иш-чараны Чыңгыз Айтматовдун чыгармаларындагы каармандарынын адабияттык параддык жүрүшү менен 7-класстын окуучулары ачып беришти. Окуучулар Айтматовдун чыгармаларындагы ар бир кейипкерлерди ийнине жеткире образдуу түрдө чагылдырып, жыйындар залындагы көрүүчүлөрдү таасирлендире алышты.

Иш-чаранын борбордук бөлүгүндө окуучулар Айтматовдун дүйнөнүн бир канча тилдерине которулган «Ак кеме» повестиндеги «Бугу эне» жөнүндөгү жомокту аткарышты. Андан соң, «Кызыл алма» чыгармасындагы негизги каармандардын сезимдерин бий менен көрсөтүп беришти.

Адабият күнүнө арналган иш-чаранын соңунда, окуучулардын Айтматовдун чыгармасы боюнча кол өнөрчүлүк менен жасаган образдуу көргөзмөлөрүнүн жыйынтыгын чыгаруу менен белгиленди. Балдар залдагы көрүүчүлөргө өздөрүнүн эмгектерин жактап беришти. Иш-чаранын соңунда таланттуу окуучуларга активдүү катышкандыгы үчүн грамоталар тапшырылып, мугалимдерине ыраазычылык билдирилди.

Иш-чараны кыргыз тили жана адабияты мугалими Мамбетова Назира жыйынтыктап, Чыңгыз Айтматовдун дүйнөлүк жана улуттук адабиятка ат көтөргүс салым кошконун баса белгилеп, анын чыгармаларындагы негизги каармандарга өзгөчө токтолуп, белгилүү жазуучунун «Адам кандай гана татаал абалда калбасын, ал өзүнүн бийик адамдык наамын, адамдык мартабасын түшүрбөөгө милдетүү» деп сөзүн жыйынтыктады.

https://youtu.be/qP6O-ca4igY

«Медиа сабак» КФ Кыргызстандагы мектеп мугалимдеринин арасында ММС (медиа жана маалыматтык сабаттуулук) компоненти менен мыкты сабак планына Республикалык сынак жарыялаган. Сынак Билим берүү тармагында ММС билимдерин илгерилетүү боюнча жаңы окутуу ыкмаларын табуу, мугалимдердин аймактардагы жаштардын сынчыл ойломун, санариптик жана медиа сабаттуулугунун деңгээлин көтөрүү, ММС компоненттери камтылган сабактарды иштеп чыгуу тажрыйбасын өркүндөтүү, чыгармачылык дараметин жана шыктануусун арттыруу, тажрыйба алмашуу максатында сынак уюштурулган.

Сынактын жеңүүчүcүн аныктоо, сабак планынын бет ачары жана сыйлык тапшыруу аземи 2022-жылдын 3-4-ноябрында Бишкекте өткөн CAMILCon2022 III Борбордук Азиялык медиа жана маалыматтык сабаттуулук конференциясында болуп өттү. Сынакка келип түшкөн 150 дөн ашуун сабактын иштелмелеринин ичинен №97 жалпы орто билим берүү мектебинин тарых мугалими Ашырбеков Алдияр Басарбековичтин эмгеги эң мыкты деп табылып, жеңишин тастыктаган диплом жана статуэтка, ошондой эле башкы байге ноутбукка ээ болду. Кесиптешибиздин ийгилигин куттуктап, мындан аркы ишине чыгармачылык ийгилик каалайбыз!

Белгилей кетсек, сынак Германиянын Экономикалык кызматташтык жана өнүгүү боюнча Федералдык министрлигинин, Deutsche Welle Академиясынын колдоосунда, Кыргыз Республикасынын Билим берүү жана илим министрлиги, ошондой эле Кыргыз Билим берүү Академиясы менен билим берүү системасы аркылуу калктын медиа жана маалыматтык сабаттуулугун өнүктүрүү боюнча меморандумдун негизинде, Кыргызстанда медиа маалымат сабаттуулукту жогорулатуу долбоорунун алкагында өткөрүлгөн.

https://mediasabak.ngo/ru/news/66

№97 жалпы орто билим берүү мектебинде мугалимдердин методикалык жана адистик деңгээлин көтөрүү максатында өткөрүлүүчү усулдук бирикмелердин декадалары башталды. Бүгүн, 20-октябрда орус тили жана адабияты бирикмесинин усулдук декадасынын ачылышы болуп өттү. Ачылыштын алкагында №97 жалпы орто билим берүү мектебинин орус тили жана адабияты мугалими Айтназарова Айша Макеновна 1-б классы менен «Золотая осень» аталышындагы кайталоо сабагы менен декаданын ачылышын жасады. Сабакта заманбап инновациялык технологиялар пайдаланылып, кызыктуу методикалар колдонулду. Ошондой эле, сабактын жүрүшүндө 1-б классынын окуучулары өздөрүнүн сабакка болгон дилгирлигин, жогорку деңгээлдеги кызыгуусун көрсөтүп, сабакка жигердүү катышышты.

Андан тышкары, декаданын жүрүшүндө 8-ж классына Курманкожоева Фарида Дильдебековна орус тилинен «Тире между подлежащим и сказуемым» аталышындагы ачык сабак өттү. 8-ж классына өтүлгөн ачык сабакка бир катар мугалимдер кирип, методикалык тажрыйбаларды алмашышты.